ကမ္ဘာ့ငြိမ်းချမ်းရေးနေ့
အထိမ်းအမှတ် အဖြစ် ရန်ကုန်မြို့တွင် ဥပဒေအရ ခွင့်ပြုချက်မရဘဲ ဆန္ဒပြလမ်းလျှောက်ပွဲ
ကျင်းပပြုလုပ်သူများနှင့် ပါဝင်သူများကို မြို့နယ်ရဲတပ်ဖွဲ့စခန်း ၁၀ ခုက
အမှုဖွင့်လိုက်ပြီ ဖြစ်ပြီး ဆန္ဒပြပွဲ ဦးဆောင်သူများကို ယခုညနေပိုင်းတွင် လိုက်လံ
ဖမ်းဆီးနေကြောင်း သတင်းရရှိသည်။
ကမ္ဘာ့ငြိမ်းချမ်းရေးနေ့
အထိမ်းအမှတ် ဆန္ဒပြပွဲကျင်းပရန် အာဏာပိုင်များထံ တရားဝင်လျှောက်လွှာ တင်ခဲ့ကြသော
ဦးဆောင်သူများ ဖြစ်ကြသည့် ကိုမိုဃ်းသွေး၊ မခင်စန္ဒာညွှန့်၊ မဖွေးယုမွန်၊
ကျော်ဘိုဘိုတို့ကို ယခုညနေပိုင်းတွင် အထူး ရဲတပ်ဖွဲ့ဝင်များက လိုက်လံ
ဖမ်းဆီးနေကြောင်း ဆန္ဒပြပွဲ ဦးဆောင်သူ ကိုမိုဃ်းသွေးက ပြောသည်။
“ကျနော်တို့
လေးယောက်ရဲ့နောက်နေ စရဖတွေနဲ့ အထူးရဲတပ်ဖွဲ့တွေက လိုက်ဖမ်းတာ။ ကျနော်တို့က
ပြည်သူတွေထဲကို ၀င်ပြေးပြီး ကျနော်တို့ကို နှောင့်ယှက်နေပါတယ် အော်တော့မှ
ပြန်ငြိမ်သွားတယ်။ အခု ကျနော်တို့ တက္ကစီပေါ်မှာ၊ နောက်ကနေ ကားတွေ၊ ဆိုင်ကယ်တွေနဲ့
လိုက်နေတယ်။ ကျနော်တို့ကို ဥပဒေအရ သိက္ခာရှိရှိ ဖမ်းတာမျိုးပဲ လိုချင်တယ်။
အခုလိုမျိုး သူခိုးဖမ်းသလို လိုက်တာတော့ လုံးဝမကြိုက်ဘူး။ ဥပဒေချိုးဖောက်တယ်
ဆိုရင် တရားရုံးကနေ သိက္ခာရှိရှိ ဆင့်ခေါ်၊ ကျနော်တို့ ကလည်း သိက္ခာရှိရှိ
ရင်ဆိုင်မယ်” ဟု ကိုမိုဃ်းသွေးက ဆိုသည်။
ကိုမိုဃ်းသွေးအပါအ၀င်
ဆန္ဒပြလမ်းလျှောက်ပွဲ ဦးဆောင်သူများမှာ နေအိမ်များကို မပြန်ရဲဘဲ ဖြစ်နေကြောင်း
ပြောဆိုကြသည်။
No comments:
Post a Comment