ရခိုင်ပြည်နယ်၊
ကျောက်ဖြူမြို့တွင် တရုတ်နိုင်ငံသို့ သွယ်တန်းဖောက်လုပ်နေသည့် ရေနံ နှင့် ဓာတ်ငွေ့
ပိုက်လိုင်း ဖြတ်သန်းရာ အနီးရှိ လယ်မြေများအား ယခုနှစ်တွင် စိုက်ပျိုး
လုပ်ကိုင်နိုင်ခြင်း မရှိတော့ကြောင်း ဒေသခံ လယ်သမားတို့က ပြောသည်။
အငြင်းပွားဖွယ်
ပိုက်လိုင်းတည်ဆောက်ရေးစီမံကိန်းကြောင့် လယ်ဧက ရာနှင့်ချီ မြေဖို့ခံထားရသည်ဟု
သိရသည်။
“ပိုက်လိုင်းဘေးမှာ
စုပုံထားတဲ့ မြေပုံကြီးက လယ်ကွက်ထဲကို မိုးရေတွေနဲ့အတူ ပြိုကျသွားတော့ လယ်ကွက်က
ထွန်စရာမြေ မရှိတော့ဘူး၊ ကုမ္ပဏီကို ပြောတော့လည်း သူတို့ တာဝန် မယူနိုင်ဘူးပဲ
ပြောတယ်” ဟု ပျားတဲကျေးရွာမှ လယ်သမားတဦးက ပြောသည်။
ကပ်သပြေ၊
စစ်တော၊ မလာကျွန်း၊ ပျားတဲ စသည့် ကျေးရွာများမှ လယ်သမား ၇၀ ၀န်းကျင်၏ လယ်မြေများ
မြေဖို့ခံလိုက်ရခြင်းဖြစ်သည်ဟု ဆိုသည်။
ပိုက်လိုင်း
တည်ဆောက်ရေး စီမံကိန်းကို ပါရမီ ကုမ္ပဏီ နှင့် အိန္ဒိယနိုင်ငံမှ ကုမ္ပဏီတခုတို့
တာဝန်ယူ လုပ်ဆောင်နေကြောင်း လယ်သမားများက ပြောသည်။
“ပိုက်လိုင်းတွေကို
မြေကြီးပေါ်မှာ ဒီအတိုင်း သွယ်တန်းထားတဲ့ အတွက် နွားတွေ၊ ကျွဲတွေရော လူတွေပါ
လမ်းဖြတ်ကူးမရဘူး။ ဖြတ်လို့ရတဲ့ နေရာက ပတ်သွားနေရတော့ ၅ မိနစ်နဲ့ ရောက်မယ့်
ခရီးကို တနာရီလောက် ကြာတယ်” ဟု ပျားတဲ ဒေသခံက ဆက်ပြောသည်။
ထိုဒေသရှိ
ကပြိန်ချောင်း တာတမံသည် ပိုက်လိုင်း ဖြတ်သန်းသည့် လမ်းကြောင်း၌ ပါဝင်သွား၍ တာရိုး
ကျိုးသွားကြောင်း၊ လျော်ကြေးတချို့ ရရှိသော်လည်း တာရိုး ပြန်လည်တည်ဆောက်ရန်
ငွေကြေး မတတ်နိုင်သည့် အတွက် ယခုနှစ်တွင် ကပြိန်ချောင်းအနီးရှိ လယ်ဧက ၁,၀၀၀
ဝန်းကျင်တွင် လုပ်ငန်းခွင် ၀င်နိုင်ကြမည် မဟုတ်တော့ကြောင်း သိရသည်။
ပိုက်လိုင်းစီမံကိန်းကြောင့်
လယ်မြေ အသိမ်းခံရမှု၊ လယ်မြေ ဖျက်ဆီးခံရမှုတို့နှင့် ရင်ဆိုင်ခဲ့ရသည့် ဒေသခံတို့က
အာဏာပိုင်များ နှင့် ရခိုင်တိုင်းရင်းသားများ တိုးတက်ရေး ပါတီ (RNDP) တို့ထံ
တိုင်ကြားထားသော်လည်း ထိရောက်စွာ ဖြေရှင်းပေးမှုများ မတွေ့ရကြောင်း လယ်သမားများက
ပြောသည်။
ကျောက်ဖြူမြို့နယ်အတွင်း
တည်ဆောက်နေသည့် ရေနက်ဆိပ်ကမ်း စီမံကိန်း၊ ရေနံသိုလှောင်ကန်၊ ဂက်စ်သန့်စင် စက်ရုံ
စသည့် စီမံကိန်းများကို တရုတ်နိုင်ငံမှ China National Petroleum Corporation
(CNPC) က ဦးဆောင် တည်ဆောက်နေ ပြီး တရုတ်လူမျိုး ၀န်ထမ်း ၅၀၀ နှင့်တခြား ၀န်ထမ်း
၄၀၀ ၀န်းကျင် တို့ဖြင့် ဆောင်ရွက်လျက်ရှိသည်။
No comments:
Post a Comment