ဇွန်လ ၁၃ရက်နေ့က အကြမ်းဖက်သမားများဟု စွပ်စွဲကာ ဖမ်းဆီးခြင်းခံထားရသူ ၂၉ဦးတို့မှာ ပုဒ်မ-၁၄၄ ညမထွက်ရအမိန့်ကြောင့် ဖမ်းဆီးခံထားရသူများသာဖြစ်ကြောင်း သိရှိရသည်။
၎င်းအထဲမှ ကိုဇော်မျိုးထွန်းမှာ ရခိုင်တစ်ဦးဖြစ်ပြီး အလုပ်မှ ပြန်လာပြီး အိမ်ရှေ့တွင် ထွက်ရပ်နေချိန် စစ်တပ်ကားဖြင့် ဖမ်းဆီးခြင်း ခံခဲ့ရပြီး၊ ကျန်လူများမှာလည်း ကိုဇော်မျိုးထွန်း ကဲ့သို့ပင် အိမ်ရှေ့တွင် ည ၆နာရီ နောက်ပိုင်း ထွက်နေကြသော သူများသာဖြစ်ကြောင်း မျက်မြင်သက်သေများက ဆိုသည်။
“အစိုးရက ဘယ်လိုဖြစ်ပြီး ဒီညမထွက်ရအမိန့်နဲ့ ဖမ်းဆီးခံထားရတဲ့သူတွေကို ဖမ်းဆီးပြီး ဒီလိုမျိုး အကြမ်းဖက်သမားတွေလို့ စွပ်စွဲ လုပ်ကြံလိုက်တာလည်းမသိဘူး၊ သူတို့ တကယ် ထုတ်ပြမယ်ဆိုရင် သူတို့အခုဖမ်းထားတဲ့ AZGက ဦးကျော်လှတို့ရှိတယ်၊ နောက်ပြီး အယ်ကိုင်ဒါးနဲ့ ချိတ်ဆက်နေတဲ့ စာရွက်စာတမ်းတွေကို ထုတ်ပြပါလား၊ နိုင်ငံတကာနဲ့ ပြည်သူလူထုရှေ့ကို ချပြသင့်တယ်”ဟု ကိုဇော်မျိုးထွန်းရဲ့ သူငယ်ချင်းတစ်ဦးမှ ပြောပြသည်။
အရေးအခင်းအတွင်း ဖမ်းဆီးခဲ့သော ဒေါက်တာ ထွန်းအောင်နှင့် AZGမှ ဦးကျော်လှတို့နှင့် ပက်သက်သော အမှုကိစ္စ၊ အယ်ကိုင်ဒါးနဲ့ ချိတ်ဆက်ထားတဲ့ စာရွက်စာတမ်းတွေနဲ့ ပက်သက်၍ အစိုးရဘက်မှ ယခုအချိန်ထိ တစ်စုတစ်ရာ ထုတ်ဖော်ပြောဆိုခြင်း မရှိသေးဟုလည်း သိရှိရသည်။
Written by မင်းသွီး Friday, 15 June 2012 12:00
Arakan Time
No comments:
Post a Comment